LIURAI MATENEK SIRA-NIA PRESENTE

O. Henry nu''udar William Sydney Porter nia pseudonimo, no ho naran ida-ne''e mak nia sai hakerek-na''in historia badak nian ne''ebe inclui entre sira ne''ebe naran-boot liu hotu iha literatura Estados Unidos nian, no iha literatura mundo tomak nian. Nia moris iha 11 de setembro de 1862, iha Greensboro, Carolina do Norte, EUA, no nia mate iha Nova Iorque iha 5 de junho de 1910.
Iha 1920, quase exemplar milhao lima hussi ninia livro sira fa''an tiha ona iha EUA. Desde 1919 to''o agora, iha EUA iha premio literario importante ida ne''ebe hili historia badak sira ne''ebe kapas liu ne''ebe publica iha cada tinan ne''ebe tau ninia naran, maka "O. Henry Memorial Award Prize Stories". Ninia historia barak, inclui "Liurai Matenek sira-nia presente", halo tiha ba filme sira iha cinema no iha televisao. Mesmo iha Russia comunista sira publica traducao ba ninia historia badak sira no ema barabarak gosta le buat ne''ebe nia hakerek no hakerek-na''in barak buka atu hassara ninia jeito hodi hakerek historia. La iha buat ida marxismo nian iha ninia historias, maibe saida mak iha maka preocupacao tebes ho desafio sira, ho tristeza no ho ksolok iha vida ema baibain nian, ema kbiit-laek, hussi povo.